Templates by BIGtheme NET

Ikinyarwanda mu ndimi 10 za mbere muri Afurika zivugwa n’abantu benshi>>

Muri Afurika havugwa indimi zisaga 2,000, aho izigera mu 100 zivugwa n’abantu basaga miliyoni. muri izi ndimi zivugwa n’abantu benshi hakaba harimo n’ururimi rw’Ikinyarwanda ruvugwa n’abantu bagera muri miliyoni 20.

Indimi zivugwa n’abantu benshi muri Afurika zikaba ari; Icyarabu (Miliyoni 150), Igiswahili (miliyoni 100), Amharique (Miliyoni 50), Igi-Hausa (Miliyoni 35), Ikiyoruba (Miliyoni 30), Iki-Oromo (Miliyoni 25), Iki-Ibo (Miliyoni 24), Ikinyarwanda n’Ikirundi (Miliyoni 20), Ilingala (Miliyoni 13) ndetse n’Ikizulu n’Iki-Isixhosa (Miliyoni 10 n’8).

 

Tuvuze ku rurimi rw’Igiswahili, ni ururimi ruvugwa n’abantu bari hagati ya miliyoni 100 na miliyoni 150, cyane cyane mu burasirazuba bwa Afurika. Kivugwa cyane mu bihugu bigera mu 10 byo muri Afurika nk’ururimi rwa kabiri ari byo: Repubulika iharanira Demokarasi ya Congo (mu ntara 5 zo mu burasirazuba), Mozambique, u Rwanda, Uganda, u Burundi, Tanzania, Kenya na Somalia.

Ijambo “Hakuna Matata” risobanuye mu Kinyarwanda ngo “Nta kibazo“, ni ijambo ry’Igiswahili ryamamaye cyane ku Isi yose, aho ibitenge byanditseho iri jambo usanga bigurishwa kuva muri Kenya kugeza muri Afurika y’Epfo. Uru rurimi rwamamaye ku isi yose na none kubera dessin animé yitwa Le roi lion (Lion King) ya Walt Disney, rwavukiye mu kirwa cya Zanzibar muri Tanzania y’ubu, rukaba rutira amagambo menshi y’Icyarabu kubera ukuntu abakoresha Icyarabu bakunze gukorera ubucuruzi ku nkombe z’uburasirazuba bwa Afurika.

Ururimi rw’Ilingala rwakwirakwijwe mu nguni 4 z’isi n’injyana ya Lumba n’umubare munini w’Abakongomani baba mu mahanga, ruvugwa n’abantu bagera kuri miliyoni 13 muri Congo zombi, Centrafrica ndetse na Angola nk’uko RFI dukesha iyi nkuru ivuga.

Naho ururimi rw’Ikinyarwanda n’Ikirundi zishyirwa mu kebo kamwe, zivugwa n’abantu bagera kuri miliyoni 20, rukaba ruvugwa n’abantu baruta abavuga Ikizulu kivugwa n’abantu 20% muri Afurika y’Epfo bangana na miliyoni 10, n’ururimi rw’Iki-Xhosa ruvugwa n’abantu miliyoni 9.

Emery@Rwandapaparazzi.rw

9,390 total views, 10 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful