Templates by BIGtheme NET

Kimironko: Mukakimenyi Feyisi yanze gukingura inzu ye ubwo bari baje kuyiteza cyamunara ikorerwa hanze>>

Mu Kagali ka Bibare mu Murenge Kimironko ho mu Karere ka Gasabo kuri uyu wa kane umugore witwa Mukakimenyi Feyisi yanze gukingurira abari baje muri Cyamunara yo kugurisha inzu ye iherereye muri ako gace bituma iyo cyamunara ikorerwa hanze.

Ku isaha ya saa tanu zishyira saa sita z’amanywa kuri uyu wa Kane nibwo umuhesha w’inkiko w’umwuga maitre MUHIRE Michelle yakoresheje icyamunara cyo kugurisha inzu y’uwitwa Mukakimenyi Feyisi iherereye mu Mudugudu w’Amariza, mu Murenge wa Kimironko, mu Karere ka Gasabo kugirango hishyurwe umwenda abereyemo banki y’Abaturage y’u Rwanda.

RoyalTv dukesha iyi nkuru ivuga ko mu gihe icyo cyamunara cyakorwaga, uyu muhesha w’inkiko yakumiriye itangazamakuru akaribuza gufata amashusho n’amajwi,gusa yemera kurivugisha nyuma y’icyo gikorwa.

Ibyangombwa Mukakimenyi Feyisi yerekanye avuga ko ari iby’umwimerere, byerekana ko inzu irimo gutezwa cyamunara atari yo imwanditseho ahubwo imwanditseho ari iherereye mu Gatsata akavuga ko ariyo yari yatanzeho ingwate ya banki.

Mu gusobanura impamvu yatumye yanga gukingura, yavuze ko mbere habayeho amanyanga inzu ye bwite ari nayo yari yatanzeho ingwate bakayigurisha mu cyamunara atabizi, none ngo banki ikaba yagarutse ishaka guteza umutungo utari uwe.

Bivugwa ko iyi nzu yari  irimo gutezwa cyamunara ari iy’uwahoze abana na Mukakimenyi Feyisi bivugwa ko yatorotse ubutabera kubera ibyaha yakurikiranwagaho n’ubutabera.
Uyu watorotse ubutabera ngo yagombaga gutanga indishyi z’ibyaha yakoze ari byo byatumye hagurishwa inzu Mukakimenyi Feyisi yari yatanzeho ingwate kuri Banki.

Cyamunara yo kuri uyu wa kane yasubitswe kubera ko nta muguzi wabashije kugeza ku giciro fatizo cyagenewe iyi nzu aricyo mirilyoni zirengaho gato 75 z’amafaranga y’u Rwanda, mu gihe umuguzi watangaga menshi yatanganga miliyoni zirengaho gato 42, mu gihe ba nyiri iyi nzu bavuga ko bazakomeza kwitabaza ubutabera.

Emery@Rwandapaparazzi.rw

14,833 total views, 10 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful