Templates by BIGtheme NET

KIGALI: Olivier Jourdain agiye kwerekana filime icukumbuye ku muco wo kunyaza: VIDEO>>

Umubiligi witwa Olivier Jourdain yaje i Kigali kwerekana filime mbarankuru yise ‘L’eau sacrée’[Amazi y’Ibanga] ivuga mu buryo bucukumbuye ku muco wo ‘kunyaza’ utanga ibyishimo ndengakamere ku mugore mu mibonano mpuzabitsina.

Yatekereje gukora iyi filime mu mwaka wa 2009, ubwo yari yaje mu Rwanda kuhakorera undi mushinga wa filime ngufi. Ni umuco yavumbuye biturutse ku nshuti ye yabonye yanitse ibiryamirwa mu gitondo agira amatsiko amubaza icyabaye ‘undi amusubiza gihanzi amusobanurira uko amazi yamenetse ku buriri’.

Jourdain yatangiye  uyu mushinga muri 2013 awumaraho umwaka wose, imirimo yo kuyitunganya yamutwaye ama-euro ibihumbi 25.

Ati “Nayikoze mu byiciro bibiri, bigabanyije mu mezi atandatu. Mu by’ukuri byabaga bigoye kuko hari igihe twazaga kureba umuntu ngo atuganirize wenda akatubwira ngo muzagaruke ukwezi gutaha.”

Ubu yaje mu Rwanda kwerekana iyi filime bwa mbere, yabwiye itangazamakuru ko ibirori byo kwerekana iyi filime bizabera kuri One Love ku Kimihurura kuwa Gatanu tariki ya 26 Gicurasi 2017.

Yaje kuyerekana mu Rwanda nyuma y’uko iri mu zerekanwe mu maserukiramuco mpuzamahanga ya sinema mu Budage, u Bubiligi ndetse iri mu ziheruka kwitabira iserukiramuco Festival Vues D’Afrique yabereye i Montréal kuwa 18-23 Mataa 2017.

Nyuma yo kuyerekana mu Mujyi wa Kigali izajyanwa mu iserukiramuco rikomeye mu Butaliyani rya Sole Luna Film Festival rizabera mu Mujyi wa Milan kuwa 3-9 Nyakanga 2017. Iyi filime kandi yatoranyijwe kuzerekanwa mu maserukiramuco akomeye arimo nka Moscow international Documentary festival izabera mu Burusiya kuwa 18-23 Gicurasi 2017 n’ahandi hatandukanye.

Muri iyi filime, Olivier[iburyo] asobanura inkomoko y’umuco wo gukuna n’imizi yawo

Iyi filime yakozwe na Olivier Jourdain abifashijwemo na Dusabe Vestine usanzwe akora ibiganiro kuri Radio Flash kuri iyi ngingo. Mu kuyerekana hari bamwe bahezwa kuko abemererwa ku yireba ni abantu batoranyijwe.Olivier Jourdain, ni umuhanga mu bya sinema ariko yize itangazamakuru anahabwa amahugurwa yisumbuye muri kaminuza mu ishami ry’Ubumenyamuntu [Anthropology]. Yakoreye igihe kinini Televiziyo y’u Bubiligi hanyuma mu mwaka wa 2009 yinjira mu byo gukora filime. ‘L’eau sacrée’, ni yo filime ya mbere akoze nini kandi iremereye kurusha izindi.

AMASHUSHO Y’INGENZI MURI IYI FILIME:

Emery@RWandapaparazzi.rw

26,157 total views, 60 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful