Templates by BIGtheme NET

Jay Z na Beyonce kurutonde rw’abatunze miliyari y’amadolari!!!!! INKURU>>

Umurapri Jay Z n’umugore we Beyonce binjiye mu mubare w’abantu batunze miliyari y’amadolari ku Isi nyuma y’iminsi mike baguze inzu y’akataraboneka bifuza kuzabyariramo impanga umugore atwite.

Mu mwaka ushize Beyonce yongereye umutungo we ugera kuri miliyoni $350 bimugira umwe mu bagore bihagazeho mu mafaranga menshi muri Leta Zunze Ubumwe za Amerika. Jay Z na we yahiriwe cyane n’umwaka wa 2016 kuko kugeza ubu agwa mu ntege P. Diddy mu baraperi b’abaherwe ku Isi.

Nubwo uyu muryango wa Beyoncé na Jay Z atari mushya ku ntonde zikorwa na Forbes Magazine, iki kinyamakuru cyatangaje ko nyuma yo kongera umutungo wabo ubu babarirwa miliyari $1.16, ibyo bigatuma bakomeza kuza mu b’imbere mu byamamare bimaze kugwiza ifaranga.

Byaherukaga gutangazwa ko Jay Z na Beyonce bitegura kubyara impanga, baguze inzu y’akataraboneka irusha agaciro izindi iherereye ahitwa Bel Air mu Mujyi wa Los Angeles. Jay Z ngo yayishyuye miliyoni 120 z’amadolari kugira ngo mu gihe umugore we namara kwibaruka impanga atwite umuryango we uzabeho mu bwisanzure.

Beyoncé yaherukaga kuza ku rutonde rw’abagore b’ibyamamare batunze amafaranga menshi muri Leta Zunze Ubumwe za Amerika aho akurikiye abandi barimo Oprah Winfrey; Celine Dion; Madonna; Nora Roberts n’abandi bamugwa mu ntege barimo na Taylor Swift.

Umuryango wa Jay Z na Beyoncé amafaranga menshi uyakomora mu bushabitsi bujyanye n’ibikorwa bya muzika ndetse n’ubundi bucuruzi butandukanye. Umugore amafaranga menshi ayasarura mu migabane afite muri Tidal y’umugabo we ndetse akagira n’ubwoko bw’imyambaro yatangije bwitwa Ivy Park, bikiyongera no ku kindi kigo cy’icungamari afite cyitwa Park Entertainment.

Jay Z na Beyonce binjiye mu mubare w’abatunze miliyari y’amadolari

Muri iki gihe Jay Z w’imyaka 47, amafaranga menshi yinjiza ayasarura mu kigo cye cyitwa Roc Nation gifasha abahanzi, ayo akura mu kinyobwa cya Armand de Brignac, amaze no kunguka atabarika binyuze mu gucuruza no gusakaza umuziki ku Isi.

Umuryango w’aba bahanzi bombi ukomeje kuvugwa mu nkuru z’abahagaze neza mu bijyanye no kugwiza umutungo mu gihe bitegura kwakira abana b’impanga mu muryango, bazaza biyongera ku mfura yabo, Blue Ivy Carter umaze kugira imyaka itanu.

Aba bombi bari baherutse kugura inzu y’akataraboneka i Los Angeles

Posted by Alex Masha kuri Rwandapaparazzi.rw Kgli

7,129 total views, 10 views today

About Paparazzi

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful