Templates by BIGtheme NET

Burya mu rukundo gushimishanya ntibisaba ibyamirenge, dore utuntu duto duto wakorera umukunzi wawe ukigarurira umutima we wose>>

Ni kenshi usanga abantu bakundana urukundo rwa bo ntirurambe cyangwa kandi ahanini ugasanga hari aho umwe yakabaye ashyira imbaraga cyane mu gihe aba yamaze kuhabona.

Ubusanzwe , abantu b’igitsinagore bakunda abantu babitaho, bakabatetesha ndetse rimwe na rimwe bakabishyiramo ingufu nyinshi ngo abakunzi babo babereke ko babitayeho.

Hano hari utuntu umuntu yakwita duto duto abakobwa cyangwa abagore bakunda dushobora gutuma ubigarurira burundu nubwo abagabo bataduha agaciro kandi aritwo abakunzi ba bo baba bashaka.

  1. kwereka umukunzi ko arenze abandi bose

Abakobwa cyangwa abagore, babereka urukundo cyane cyane mu ruhame kabone nubwo yaba ari mubi.

Umukobwa cyangwa umugore, ashaka ko igihe muri mu bandi umuhozeho akajisho, nakuryamaho umureke kuko aba ashaka kumva ko ari we ushyize imbere kurusha ba bandi bose muri kumwe.

  1. Kumwereka ko umuhoza ku mutima

Umukobwa ashaka ko umwereka ko ari we uza imbere mu ntekerezo zawe, kabone nubwo wamubeshya ariko ukamubwira icyo umutekerezaho, kumubaza icyo akeneye kidahambaye, kumukorera utuntu dutunguranye nubwo wamugurira bombo.

 

Ibi byose, ugomba kubikora biherekejwe n’utugambo twiza dutuma amwenyura.

  1. Kumwumvisha ko ari umunyamugisha

Bitewe n’uburyo uba wiyumvamo uwo mukundana, ashaka umwereke ko amahirwe ya we uyakesha we n’Imana gusa mbega akumva ko kuba muri kumwe bishobora kukuzanira n’ibindi byiza byinshi kubera we.

  1. Kuba yaraje akenewe

Umukunzi wawe akeneye ko mwicara ukamureba akana ko mu jisho, mbega akumva ko hari umwanya munini afite mu buzima bwawe.

Wimufata nkaho kuba muri kumwe byabaye impanuka ahubwo mwereke ko ari ibintu byateguwe kandi ko mufatanyije hari byinshi mushobora kugeraho.

Umugore akunda ko uruhare rwe rugaragara cyane mu ishyirwa mu bikorwa by’ikintu runaka.

  1. Kutamugaya ku kintu yagukoreye

Umukunzi wawe, ashaka ko niba agukoreye ikintu, ukigire kinini kabone nubwo kaba ari akantu gato cyane agutunguje.

 

Kirazira kikaziririzwa kugaya impano cyangwa serivisi uhawe n’umukunzi wawe nubwo yaba akabizu ko mu itama.

  1. Mwereke ko ushoboye

Iyo uri kumwe n’uwo mukundana (umukobwa) aba yumva nta kintu cyamukoraho, gusa aha birasaba ubushishozi na none kuko utagomba kwiyenza ku bantu kuko wenda ufite imbaraga ushaka kubimwereka kuko ushobora gusebera mu maso ye.

Umukobwa ashaka niba agize ikibazo, kimufashe nk’umugabo kuko uzasanga akenshi iyo ikintu kibakanze ahita agufata akaguhungiraho.

Mufate umukomeze aho kumwihunza nubwo yakugwira cyangwa akagukandagira ikirenge.

  1. icyubahiro

burya abakobwa bakunda icyubahiro, ntibakunda ko wababwira ubakanga ndetse ikiruse baba bashaka utugambo tworoshye tutabananiza mu bwonko. Ikindi ntibakunda ibintu bibasaba gutekereza cyane mu gihe bari kumwe n’uwo bazi ko abakunda bidasubirwaho.

Umukobwa kandi ntakunda umuntu umufata nk’umwana kuko aba yumva ko hari urwego aba yumva yararenze kuko igihe abonye umufata nk’umwana na we bimugabanyiriza icyizere yari yifitiye n’icyo yari agufitiye.

Abakobwa bashaka ubereke imbabazi kabone nubwo baba bagukoreye ikosa kugira ngo bakugerageze.

Hari n’ubwo umukobwa mukundana akora ikintu ku bushake agira ngo agusuzume, ibyo ugomba kwicara ubizi bityo ukaba wanamenya uko ugomba kubyitwaramo.

 

Ibi uzabyerekwa n’uko akensho uzasanga ashobora nko kukwangiriza ikintu cy’agaciro cyangwa akakiguhisha kugira ngo abanze akunyuzemo ijisho.

  1. Icyizere

Umukunzi wawe ashaka ko umugaragariza icyizere kabone nubwo yaba Atari uwo kwizerwa, nubwo n’ubusanzwe Atari byiza gukundana n’umuntu utizera.

Garagariza icyizere uwo mukundana muri byose, mwereke ko nta cyo umukeka kandi ko umufata nk’umuntu ukomeye ndetse ushoboye.

Umukunzi wawe mufate nk’umuntu wo kwizerwa, kandi uje unamuha zimwe mu nshingano zoroheje akuzurize kuko izikomeye azaziha niba ari umuntu ureba kure.

Ibi nubwo bias n’ibireba abantu b’igitaina gore, ntibivuze ko abagabo babikorewe byabagwa nabi nabo baba babishaka ahubwo nuko bihagararaho bakanga kubigaragaza kuko baba bumva ko baba bisuzuguje.

Gusa biba byiza kurushaho na bo babikorewe kuko baba babikeneye.

Uwineza Vanessa@@Rwandapaparazzi.rw

34,481 total views, 100 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful