Templates by BIGtheme NET

NTIBYOROSHYE : Mu gihe Amerika itunze nyina wa za bombe, u Burusiya bwo ngo butunze se wa za bombe

Mu gihe Leta Zunze Ubumwe za Amerika zibitseho nyina wa za bombe (MOAB), u Burusiya bwo buravuga ko bufite se wa za bombe (FOAB) ifite ubushobozi bwikubye inshuro enye MOAB Abanyamerika baherutse kurasa muri Afghanistan.

Kuwa 13 Mata 2017 nibwo igisirikare cya Leta Zunze Ubumwe za Amerika cyarashe igisasu cya bombe kingana n’ishuri bise Nyina wa Bombe (Mother of All Bombs) ku birindiro by’umutwe w’iterabwoba wa Islamic State muri Afghanistan.

Amakuru avuga ko iki gisasu (MOAB) gipima toni zisaga 10, gifite ubushobozi bwo guturika nk’ubwa toni 11 za TNT, kikaba ari cyo cya mbere muri za bombe ziri mu bubiko bw’intwaro za Leta Zunze Ubumwe za Amerika.

 

Nyamara ariko, ngo MOAB ntabwo ari cyo gisasu cya bombe kitarimo ubuhanga bwa nuclear cya mbere ku Isi. Ku mwanya wa mbere ngo haza igisasu cya bombe Abarusiya bise Se wa za bombe (Father of All Bombs Cyangwa se FOAB).

Iyi bombe NATO yita Blackjack, yo bivugwa ko guturika kwayo kungana na toni 44 za TNT cyangwa bwikubye inshuro 4 guturika kwa MOAB y’Abanyamerika nk’uko iyi nkuru dukesha Business Insider ikomeza ivuga.

1052625470

Igisasu cyiswe MOAB cy’Abanyamerika

Bitandukanye na MOAB, ngo FOAB aho irashwe hazamuka ikibatsi kinini cyane bitewe nuko mu kucyubaka hifashishwa za toni za lisansi, bisobanura ko iyo kirashwe intego yacyo ngo iba ari ugutwika bikomeye igipimo kandi aho gisandariye kigashobora no kwangiza umwuka abantu bahumeka (Oxygene). Iki gisasu kikaba cyarasuzumwe bwa mbere mu 2007.

Muhire Jason@Rwandapaparazzi.rw

19,756 total views, 10 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful