Templates by BIGtheme NET

Mukobwa Dore ibimenyetso 10 bizakwereka Umuhungu ugukunda agamije kugusambanya Gusa “REBA HANO”

Mu rukundo habaho gushishoza, uko umuntu akubwiye ndagukunda si ko mu by’ukuri aba abikuye ku mutima, rimwe na rimwe hari igihe aba agamije kugukuraho ubutunzi bw’amafaranga cyangwa se akaba agamije kuryamana nawe, aha turibanda ku rukundo rw’umusore n’inkumi cyane cyane rwakabaye rufite intego yo kurushinga.

Mukobwa rero niba ufite umukunzi mukaba mumaranye igihe hari ibimenyetso bisa nk’ibi tugiye kukubwira, uzashishoze ushobora kuzasanga umusore wita umukunzi wawe nta ntego afite yo kubana nawe ahubwo agukunda rwa rukundo rugezweho rwo mu mashuka.

1.Ibiganiro biganisha ku mibonano: Aha umusore ugunda uzasanga atinya kukubwira ibiganiro cyangwa kuguha ingero zivuga ku mibonano mpuzabitsina, niyo rimucitse ubona yikanze ariko umusore ugamije kuryamana nawe, uzasanga buri kanya ashaka ko mwiganirira kuri iyo ngingo.

Akakubaza niba uzi uko bikorwa, niba warabikoze, wabikoranye na nde, ese wumva uzongera kugerageza, urumva udafite amatsiko se, wumva waryamana n’umusore umeze ute, uri isugi se n’ibindi bibazo byinshi nk’ibyo. Bene uyu musore uzamwitondere.

2.Kukurata ubwiza: Yego ugukunda n’ubundi ahora akurata ubwiza, ariko umusore ushaka ko muryamana agira ibice akunda kukurata cyane cyane nk’ikibero, amabere, ikibuno, … akihanikira ati: “ufite ikiberi kiza, uwampa amahirwe nkagikoraho”.

3.Kugusaba kumusura kenshi: Umusore ushaka ko muryamana ahora agusaba kumusura, niyo umusabye ko muganirira ahandi hatari aho ashaka usanga atabyishimiye. By’umwihariko noneho iyo aba mu nzu ya wenyine (ghetto) bwo yanakwemera akagukodeshereza indege ariko ukahaza, mukobwa rero uzashishoze ubanze wibaze impamvu ahora agusaba kuza iwe.

 

4.Kutakwereka inshuti ze: Ubusanzwe umusore utagukunda iteka ahora atifuza ko inshuti ze zikumenya kuko nubundi aba azi ko mutazahorana, muri we imbere mu mutima icyo aba agamije ni ukuryamana na we ejo ugacaho ukagenda, ubundi aba yifuza ko aho muri hose muba muri babiri gusa.

5.Impano zirimo imyambaro y’imbere: Iyo wemeye izi mpano zirimo amakariso, amasutiye,… uzajye umenya ko igisigaye ari ukureba niba iyo myambaro yakubereye, azagusaba kureba ko uberewe nibiba na ngombwa agukoreho.

6.kukunywesha inzoga: Burya agasembuye gatera akanyabugabo, umusore uzabona aguhata kunywa inzoga cyangwa ibindi bisindisha cyangwa ibiyobyabwenge aba yarabuze aho aguhera ashaka kugufatirana ngo akugushe mu mutego utakibasha kwikontorora.

7.Kugusaba guhurira ahiherereye: Ashobora guhora agusaba ko muhura nijoro, ahantu hiherereye, niyo musohokanye aba ashaka ko mwicara mu muhezo wa mwenyine hamwe aba yifuza ko aza kugukoraho nta muntu ubareba.

8.Amafoto na video by’urukozasoni: Uzabona akoherereje udufoto tw’abakobwa cyangwa abasore bambaye ubusa cyangwa se bari mu busambanyi, iyo abonye ubikunze arushaho kubikoherereza noneho akajya akoherereza video z’urukozasoni (video pronographique), nabwo uzitonde ushishoze, nabona ubikunze uzamenyeko mu minsi mike azahita agushaka ku ntego.’

9.Kukujyana mu kabyiniro: Iyo mukagezemo ashobora kugusaba ko mubyinana, uko mubyinana niko arushaho kugutinyuka akagukoraho, ariko yumva imiterere y’umubiri wawe, cya kibuno yarataga akabasha kugikoraho, ka gatuza akabasha kukegamamo mubyina, iyo bitabaye ibyo akujyana muri twa tubari barara bamansura,…

10.Kuguhoza mu gihirahiro: Iyo umubajije intego y’urukundo rwanyu, ntashobora kukubwira ati umwaka utaha nifuza ko umbera umugore, reka da, yumva mwahora muri filingi gusa, ikindi kandi iyo muryamanye rimwe atangira guhinduka na twatugambo twiza tukayoyoka.

Uwineza Vanessa@Rwandapaparazzi.rw

28,790 total views, 50 views today

About Muhire Jason

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful