Templates by BIGtheme NET

Mugabo, Dore inama zagufasha guhorana intanga nziza igihe cyose>>

Intanga ni umutungo ukomeye ku mugabo kuko iyo atari nzima atabasha kororoka uko umugore we yaba ameze kose; bituma abaganga batanga inama z’uburyo umugabo agomba kuzibungabunga.

Urubuga elcrema rwatangaje ibintu bitandatu umuntu w’igitsibagabo ushaka kugumana intanga nzima yakora kugira ngo azibungabunge.

1. Gukora cyane

Abashakashatsi bo muri kaminuza ya Harvard muri Leta Zunze Ubumwe za Amerika bagaragaje ko abagabo bakora cyane baba bafite amahirwe yo gukomeza kugira intanga nzima ku gipimo cya 33% ugereranyije n’ab’abanebwe birirwa bicaye.

Ibi biterwa n’uko imirimo y’ingufu itwika ibinure bitera umubyibuho ukabije ndetse ikongera umusemburo wa testosterone ufite agaciro kanini ku gitsina gabo, dore ko ari wo utuma imyanya ndangagitsina y’abagabo ikura ndetse ugatuma umugabo agaragara nk’umugabo haba ku isura ndetse no mu myitwarire.

2. Kugumana ibiro biringaniye

Kugira ibiro byinshi bitajyanye n’indeshyo biteza umubyibuho ukabije kandi bigira ingaruka ku buzima bw’imyororokere bikanangiza intanga. Ibi bishobora gukemurwa no gukora imyitozo ngororangingo inshuro nyinshi zishoboka.

3. Kwirinda guhora unywa ibintu bisembuye

Abahanga mu by’ubuvuzi bavuga ko gufata ibinyobwa bisembuye byangiza imibereho myiza y’intanga. Uko ubifata cyane zigenda zitakaza ireme bitewe no kwangirika kw’impyiko, imisemburo myiza umubiri ukeneye n’ibindi.

4. Guhora urya neza

Imirire umuntu akurikiza ituma agira intanga nzima zidafite ikibazo. Ni byiza kurya imboga, imbuto, ibinyampeke ndetse n’amafunguro akungahaye kuri za proteins kuko ari byiza ku buzima.

Naho ibiryo byo mu nganda kuko biba byongewemo ibinyabutabire byinshi ntabwo ari byiza ku buzima.

5.Gukoresha telefoni igendanwa inshuro nke

Mu ivuriro rya Cleveland muri Leta Zunze Ubumwe za Amerika, abashakashatsi basanze intanga z’abagabo bakoresha telefoni cyane zaragiye zigabanuka ugereranyije n’abazikoresha inshuro nke. Ikindi ni uko umuntu agomba kugira amakenga yo kubika telefone mu mufuka w’imbere ahegereye igitsina kuko byangiza intanga.

6. Kwirinda umunaniro ukabije

Umunaniro ukabije ni nyirabayazana wo gupfa kw’intanga; guhora uwugendera kure kandi mu byo ukora byose ukamenya ko ikiruhuko ni ingenzi.

Umunaniro ukabije utuma umugabo atagira ubushake bwo gutera akabariro ku rugero rwa nyarwo, iyo rero bigenze bityo biba binagoye ngo habe havamo ikintu kizima (kororoka). Abahanga bavuga ko indwara nyinshi usanga abantu barazitewe n’ibyo barya, banywa cyangwa bakora.

Uwineza Vanessa@Rwandapaparazzi.rw

10,390 total views, 30 views today

About Muhire Jason

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful