Templates by BIGtheme NET

Dore Ibimenyetso bica amarenga ko haba hagiye kuba intambara ya 3 y’isi yose yarimbura isi burundu>>

Umwuka mubi umaze iminsi ututumba hagati y’ibihugu by’ibihangange birimo Leta Zunze Ubumwe za Amerika, U Burusiya, u Bushinwa na Koreya ya Ruguru, ushobora guteza intambara ya 3 y’Isi yose mu gihe Perezida Trump yakora ubushotoranyi ubwo ari bwo bwose kuri Koreya ya Ruguru imaze iminsi igaragaza ko iryamiye amajanja. Hari ibimenyetso bifatika bigaragaza ko abatekereza iby’intambara ya gatatu y’isi yose bashobora kuba bari mu kuri kandi iyi ibaye hari abasanga yaba ari imperuka y’isi bitewe n’ibitwaro kirimbuzi byakoreshwa.

Uko iminsi igenda yicuma ni nako umwuka mubi hagati y’ibi bihugu by’ibihangange ugenda uzamuka, aho buri gihugu cyamaze kwitegura intambara mu buryo bweruye, kuburyo byose biri gucungana ku jisho bitegereje igihugu kizashoza intambara maze rukambikana.

Koreya ya Ruguru imaze kugerageza ibisasu bya rutura 2 ndetse n’umwaka ushize wa 2016 hakaba harageragejwe ku mugaragaro ibigera kuri 24, ibintu Loni yakunze kugaragaza ko itabishyigikiye.

Ibihugu byinshi bifite ubwoba bw’uko intambara ya 3 y’Isi ishobora kuba igihe icyo aricyo cyose, cyane ko n’abahanga bagaragaje ko mu gihe habaye imbarutso intambara ishobora kurota kuko ibi bihugu byose byibitseho ibitwaro bya kirimbuzi byo ku rwego rwo hejuru.

Perezida Trump aherutse kuvuga ko igihugu cye gifite umutekano uhagije kandi ko gifite ubwirinzi butajegajega kuburyo nta mpungenge bafitiye ibihugu birimo Koreya ya Ruguru. Yanavuze kandi ko bamaze gukwirakwiza ingabo zihagije ndetse n’intwaro zikomeye cyane ku nkengero z’igihugu biteguye uwo ari we wese wabakoma mu nkokora.

Impuguke mu kigo cya Griffith Asia Institute muri Australia, gikora ubushakashatsi, Peter Layton, yavuze ko Leta Zunze Ubumwe za Amerika zigomba kumvisha u Bushinwa ko budakwiye gukomeza gushyigikira ubuyobozi bwa Perezida Kim.

Yagize ati “Kugerageza kumvisha ubuyobozi bw’u Bushinwa ububi bw’ayo makosa, ni ukubwongerera umubabaro. Mukomeze mugerageze guhuriza mu ruhame Kim Jong Un wa Koreya ya Ruguru na Xi Jinping w’u Bushinwa, wenda bazabyumva.”

Mu ruzinduko Umunyamabanga wa Leta Zunze Ubumwe za Amerika, Rex Tillerson, aheruka kugirira muri Aziya muri Werurwe uyu mwaka, yivugiye ko Korea iramutse ibashotoye batajijinganya kuyisubiza.

Yagize ati “Mu by’ukuri ntitwifuza ko ibintu bigera ku rwego rwo kwitabaza ingabo…ariko Koreya ya Ruguru niramuka ikinishije gutera ubwoba ingabo za Koreya y’Epfo cyangwa izacu, ntabwo tuzayirebera izuba.”

Raporo zakozwe muri Gicurasi 2016 n’itsinda ryo muri Texas, zagaragaje ko Leta Zunze Ubumwe za Amerika zifite ubushobozi bwo kohereza ibisasu byo mu bwoko bwa “missile” birenga 600 na bombe zikaze kuri Koreya ya Ruguru mu mwanya nk’uwo guhumbya.

Ubushakashatsi buherutse gukorwa n’ikinyamakuru The Sun cyo mu Bwongereza bwagaragaje ko n’ubwo bitoroshye kuba hagaragazwa igihugu cyatsinda intambara ya 3 y’Isi, ngo mu bigaragara ni uko Leta Zunze Ubumwe za Amerika ishobora gutsinda iyi ntambara.

Iki kinyamakuru cyagaragaje ko Leta Zunze ubumwe za Amerika ar icyo gihugu cyonyine gifite indege z’intambara zikomeye cyane zo mu bwoko bwa F- 187, F-22 ndetse na F-35 utasangana ikindi gihugu ndetse n’amato y’agatangaza akoranye ibitwaro bya kirimbuzi kuburyo nta gihugu cyayitinyuka mu bijyanye n’intambara yo mu mazi.

Ikinyamakuru The Mirror nacyo giherutse gusohora icyegeranyo cy’inkuru zagiye zisohoka mu bitangazamakuru bitandukanye mu bihe binyuranye zagaragazaga ko ku butegetsi bwa Donald Trump hagomba kuzabaho intambara ya 3 y’Isi yose.

Ese ni ibihe bihugu byibitseho ibitwaro kirimbuzi byarimbura isi mu kanya gato?

Intambara ya gatatu y’isi yose ubu iramutse ibaye, yaba ari imperuka y’isi kuko ibihugu byinshi kuri uyu mubumbe byamaze kwigwizaho ingufu z’ibitwaro kirimbuzi, bishobora kurimbura igice kinini ku isi kigasigara ari ubutayu butagira n’icyatsi na kimwe.

Bimwe mu bihugu byigamba ko bifite ibitwaro bya kirimbuzi, ibindi bibyibitseho mu ibanga bidashaka kwerurira isi, mu gihe hari ibindi bikibigerageza. Hari ibihugu bidashidikanywaho kuba bifite ibitwaro kirimbuzi, ari nabyo tugarukaho muri iyi nkuru.

1. Leta Zunze Ubumwe za Amerika

Igihugu cya Leta Zunze Ubumwe za Amerika, ni kimwe mu bidashidikanywaho kuba bifite ibitwaro bya kirimbuzi. Igeragezwa ryabyo rya mbere, ryakozwe tariki 16 Nyakanga 1945, ndetse u Buyapani kugeza n’ubu burakibasirwa n’ingaruka z’ibisasu bibiri bya kirimbuzi byatewe muri iki gihugu bikozwe na Leta Zunze Ubumwe za Amerika. Iki gihugu kiri mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

2. U Burusiya

Igihugu cy’u Burusiya, nacyo ntigishidikanywaho kuba gifite ibisasu kirimbuzi. Byageragejwe bwa mbere tariki 29 Kanama 1949, kandi iki gihugu cyagiye kirangwa n’ubushotoranyi bugaragaza ko kihagazeho, kitahangarwa n’ikindi gihugu na kimwe kuri iyi si. U Burusiya kandi, ni igihugu cyamaze gutangaza ko kiteguye igihe cyose haramuka hari ukinishije kubagabaho igitero. U Burusiya buri mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

3. U Bwongereza

U Bwongereza, nabwo mu buryo budashidikanywaho bwibitseho ibitwaro kirimbuzi bya rutura, ndetse byageragejwe bwa mbere tariki 3 Ukwakira 1952. Ni kimwe mu bihugu bidakunda kugaragaza ubushotoranyi ariko gihora kiryamiye amajanja kuburyo nta kindi gihugu cyarota kikigabaho igitero. U Bwongereza buri mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

4. U Bufaransa

U Bufaransa nabwo bufite ibitwaro bya kirimbuzi, ndetse tariki 13 Gashyantare 1960, habayeho igikorwa cyo kubigerageza. Iki gihugu cyo ku mugabane w’u Burayi, ni kimwe mu bihugu usanga bitera inkunga ibihugu biri mu ntambara, kandi ntawapfa guhirahira atera u Bufaransa kuko bizwi ko bibitseho ibitwaro bya kirimbuzi. U Bufaransa buri mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

5. U Bushinwa

U Bushinwa nicyo gihugu cya mbere muri Aziya gifite ibitwaro bya kirimbuzi byinshi. Nta muntu wahangara iki gihugu, kandi uwagishotora wese aho barwanira nta n’akatsi kazahasigara. U Bushinwa bwagerageje bwa mbere ibitwaro kirimbuzi tariki 16 Ukwakira 1964. U Bushinwa buri mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

6. U Buhinde

U Buhinde bwagerageje ibitwaro byabwo bya kirimbuzi tariki 18 Gicurasi 1974. Ntabwo bikunze kubaho ko u Buhinde bushotora ibindi bihugu, ariko nta n’ikindi gihugu cyahangara abahinde, kuko bizwi mu buryo bweruye ko bibitseho ibi bitwaro bya rutura. U Buhindi ntiburi mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

7. Pakistan

Tariki 28 Gicurasi 1998, nibwo Pakistan yagerageje ibitwaro byayo bya kirimbuzi. Ni kimwe mu bihugu byihagazeho, bidahangarwa n’amahanga abonetse yose. Pakistan ntiri mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

8. Koreya ya Ruguru

Koreya y’Amajyaruguru, iri mu bihugu bizwiho ubushotoranyi no kwishongora cyane. Leta Zunze Ubumwe za Amerika na Koreya y’Amajyepfo, ni bimwe mu bihugu bidacana uwaka n’iki gihugu ariko kuba ntacyo bagitwara, ni uko bazi neza ko gifite ibitwaro bya Kirimbuzi. Tariki 9 Ukwakira 2006 nibwo bakoze igerageza rya mbere ry’ibitwaro byabo bya kirimbuzi. Koreya ya Ruguru, ntiri mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

9. Israel

Israel ni igihugu kidahangarwa, ariko kandi kidapfa kwerura ko gitunze ibitwaro bya kirimbuzi kuko hataranagaragazwa ingano y’amatoni yabyo iki gihugu kibitse. Hari abashakashatsi batandukanye ariko bagiye bagaragaza ko Israel ifite ingano nini cyane y’ibitwaro bya kirimbuzi bihishe mu mutamenwa. Kuko batanapfa kubyerura, Israel nayo ntibarizwa mu mubare w’ibihugu bifite ibitwaro bya kirimbuzi byasinyanye amasezerano yo kudaterana no gufatanya gukumira ibindi bihugu bishaka kwigwizaho ubu bwirinzi.

10. U Bubiligi, u Budage, U Butaliyani, U Buholandi na Turikiya

Ibihugu bigize umuryango wa NATO ( North Atlantic Treaty Organization ) byahawe ibitwaro kirimbuzi na Leta Zunze Ubumwe za Amerika. Ibyo bihugu ni U Bubiligi, u Budage, U Butaliyani, U Buholandi na Turikiya. Leta Zunze Ubumwe za Amerika zahaye ibi bihugu ibitwaro kirimbuzi ariko hari icyo babakinze gikomeye. Leta Zunze Ubumwe za Amerika ni igihugu kidasanzwe, gifite ikoranabuhanga rihambaye kuburyo n’ibisasu bya kirimbuzi bafite birinzwe, uwabigwaho akaba ntacyo yabimaza atabanje guhabwa uburenganzira na Leta Zunze Ubumwe za Amerika. Ibi bihugu bitanu nabyo, byabasha gukoresha ibyo bitwaro bya kirimbuzi bibanje gusaba amakode (authorization codes) mu gisirikare cya Leta Zunze Ubumwe za Amerika.

Alex Masha@Rwandapaparazzi.rw

28,919 total views, 60 views today

About Rwanda Paparazzi

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful