Templates by BIGtheme NET

USA: Obama ngo ntazihanganira ivangura Donald Trump ateganya gukorera Abasilamu n’abimukira :INKURU>>

Perezida wa Leta Zunze Ubumwe za Amerika ucyuye igihe Barack Obama yavuze ijambo rye rya nyuma ku mugoroba wo kuri uyu wa Kabiri asezera nyuma ya manda 2 ategetse iki gihugu.

Mu ijambo rye yavugiye muri Chicago ari naho akomoka, yagarutse ku bikorwa yagezeho mu myaka 8 amaze ayoboye Leta Zunze Ubumwe za Amerika. Bimwe muri byo akaba ari ibijyanye n’ubukungu bwazamutse mu gihe yageze ku butegetsi bumeze nabi, ibikorwa bijyanye no kurwanya iterabwoba, kurwanya icurwa ry’ibitwaro bya kirimbuzi muri Iran n’ibindi.

Barack Obama yatangaje ko mu gihe atarimo kumva kimwe ibijyanye n’umutekano n’uwitegura kumusimbura, demokarasi ya Amerika ngo igaragarira muri gahunda zubahiriza abaturage. Obama kandi yafashe umwanya ashimira abamuhaye icyizere, umuryango we, ndetse anashimira visi perezida Joe Biden, aho yavuze ko kumuhitamo ari cyo cyemezo cya mbere cyiza yafashe.

Muri iri jambo ryo gusezera kandi nk’uko ibiro bye byaryise, yavuze ko nubwo agiye atarangije ibyo yari yariyemeje byose, yizeye ko we n’abamufashije bose bagize uruhare mu kubaka igihugu kizarera urungano ruzakurikira.

NBCNews ivuga ko kandi Obama yagaragaje ko atazihanganira ivangurwa rizakorerwa abayisilamu cyangwa abimukira bivugwa ko  perezida ugiye kumusimbura yiyemeje guhangana nabo, avuga ko azarwanya ikintu cyose cyacamo ibice Abanyamerika hagendewe ku bwoko, igitsina, urwego rw’ubukungu, anashyigikira abantu bamaze iminsi bigaragambya avuga ko badasaba kwitabwaho bidasanzwe ahubwo basaba uburenganzira nk’ubw’abandi.

 

Biteganyijwe ko perezida Obama azasimburwa ku mugaragaro na perezida uherutse gutorwa, Donald Trump kuwa 20 Mutarama. Trump akazaba abaye perezida wa 45 wa Leta Zunze Ubumwe za Amerika.

Posted by Emmy kuri Rwandapaparazzi.rw

7,580 total views, 10 views today

About Muhire Jason

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful