Templates by BIGtheme NET

Inyamaswa ebyiri zidahuje ubwoko Zagaragaye Imwe Yimya Indi Bitangaza Benshi “REBA HANO”

Abashakashatsi banditse ko babonye ikintu gisa n’ikidasanzwe ku nyamaswa ebyiri zidahuje ubwoko zagaragaye zimanya, bakavuga ko ari bwo bwambere bigaragaye kuko ngo izo bakunze kubona zabaga zifite akantu gato zihuriyeho cyangwa zijya kugirana isano.

Mu buryo butangaje hagaragaye inyamaswa y’ingabo yo mu bwoko bw’inguge yo mu Buyapani yimya indi y’ingore iri mu bwoko bw’isha ariko ifite amahembe agira amashami (Sika deer).

The Independent dukesha iyi nkuru ivuga ko abashakashatsi babifata nk’ihohotera inyamaswa ikorera indi kuko ngo bari baranabonye indi bita ‘Antarctic fur’ ihohotera iyitwa ‘penguins’.

Gusa inyandiko yanditse mu kinyamakuru Journal Primates y’abo bashakashatsi igaragaza imyitwarire idasanzwe hagati y’izo nyamaswa z’ishyamba zidafite ikintu na kimwe zihuriyeho ivuga ko mbere izo nkende zo mu Buyapani zakunze kujya zigerageza kurira ingeragere ariko bavuze ko “muri iyi minsi ziri kugaragaza imyitwarire idasanzwe kuri izo z’ingore”, bavuga ko hari izagerageje guhunga ariko izindi zigasigara zikemera iyo mibanire.

Abo bashakashatsi banditse ko iyo ngeragere yemeye kurirwa n’iyo nguge, kandi ngo nyuma yagaragaye irigata amasohoro yasizwe na ya nguge yari imaze kuyimya.

Abo bashakashatsi basobanuye ko impamvu ishobora kuba yabiteye ifitanye isano no kuba iyi nguge itarashoboraga kubona uko yimya zene wabo.

Icyo gikorwa kandi ngo gishobora kuba cyaratijwe umurindi no kuba izi nyamaswa zarakunze gukinira hamwe, kandi amakuru yavugaga ko iyo y’ingore yari iri mu gihe cy’uburumbuke.

Icyabaye ngo ni ubwa kabiri kivuzwe ariko kikagira umwihariko kuko ngo ntigisa n’ibyajyaga biba, gusa abashakashatsi mu bya siyansi bavuga ko bagiye gukora ubushakashatsi bwimbitse ku mibanire y’inyamaswa n’ubushuti zigirana, ndetse ngo buzagaragaza n’impamvu usanga abantu bararikira kuryamana n’inyamaswa.

Emmy@Rwandapaparazzi.rw

8,630 total views, 10 views today

About Muhire Jason

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful