Templates by BIGtheme NET

Gambia: Jammeh yatsembye ko adashobora kuva ku butegetsi urukiko rw’Ikirenga rutabitegetse:INKURU>>

Urukiko rw’Ikirenga muri Gambia rugomba gutanga umwanzuro warwo kuri uyu wa Kabiri ku matora yabaye ku itariki ya mbere Ukuboza 2016, nyuma y’uko ibyayavuyemo byatewe utwatsi n’ishyaka rya Yahya Jammeh rishaka ko biteshwa agaciro.

Perezida Yahya Jammeh umaze imyaka 22 ku butegetsi yatangaje ko adashobora kuburekura urukiko rw’ikirenga rutaratangaza icyemezo cyarwo ku birebana n’amatora.

Urwo rukiko ruyobowe n’umucamanza uturuka muri Nigeria, Emmanuel Fagbenle bisa nk’aho nawe akiri mu rujijo ataramenya icyemezo agomba gufata.

Amakuru agera kuri Radio y’Abafaransa, RFI dukesha iyi nkuru avuga ko akanama k’abakemurampaka batanu bashyizweho na Jammeh baturuka muri Nigeria na Sierra Léone bose ngo banze kugera muri urwo rukiko n’i Banjul mu Murwa Mukuru wa Gambia.

Gusa ihuriro ry’amashyaka atavuga rumwe n’ubutegetsi bwa Yahya aba mu buhungiro, yibajije uburyo abo bakemurampaka baba badafite uruhande babogamiyeho nyamara barashyizweho na Yahya Jammeh wenyine.

Bati “Ni inde uzemera ibyatangajwe n’itsinda ry’abakemurampaka, urukiko rwashyizweho mu buryo butemewe n’amategeko kugira ngo bakomeze ubutegetsi bw’igitugu?”

CEDEAO igiye kuyobora ibiganiro by’amahoro muri Gambia

Ejo ku wa Gatatu , abahuza babiri bo mu Muryango w’Ubukungu uhuza Ibihugu byo mu Burengerazuba bwa Afurika (CEDEAO), bazayobora ibiganiro kugeza ubwo Yahya Jammeh azubahiriza ibiteganywa n’Itegeko Nshinga akava ku butegetsi mbere y’uko Adama Barrow arahira ku itariki ya 19 Mutarama 2017.

Ku wa Mbere w’iki cyumweru, inama idasanzwe yahamagawe n’umuhuza wagenwe na CEDEAO yabereye i Abuja muri Nigeria yiga ku bibazo bya Gambia.

Hanabaye inama kandi yahuje abakuru b’ibihugu barimo uwa Nigeria, Libéria, Sénégal, n’uwahoze ari Perezida wa Ghana, John Mahama, hari kandi na Perezida wa Komisiyo ya CEDEAO n’uhagarariye Umunyamabanga Mukuru w’Umuryango w’Abibumbye muri Afurika y’Uburengerazuba ndetse no muri Sahel.

Iyo nama yasojwe hanzuwe ko hoherezwa abajya kunga impande zihanganye i Banjul muri Gambia ku wa Gatatu.

Mu ntangiriro z’ukwezi ku Ukuboza, Perezida Yahya Jammeh yari yatangaje ko yatsinzwe n’uwo bari bahanganye Adama Barrow, nyamara nyuma y’icyumweru kimwe, yavuze ko yanze ibyavuye mu matora byose.

Aciye kuri televiziyo ya leta, Jammeh yagize ati “Nyuma y’iperereza ryimbitse, nahisemo kwanga ibyavuye mu matora aheruka kuba muri iki gihugu, ahubwo agomba kongera akaba mu buryo busesuye.”

Nyuma yo guterwa ubwoba n’abantu batandukanye, Perezida wa Komisiyo y’Amatora muri Gambia, Alieu Momar Njai wari watangaje ko Yahya yatsinzwe yafashe umwanzuro wo guhunga.

Posted by Alex Masha kuri Rwandapaparazzi.rw

5,380 total views, 20 views today

About Muhire Jason

RwandaPaparazzi Author

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful